नारायणकाजीलाई पारसको आग्रह, ‘हामीले सक्दो गर्दैछौं, अब तपाईंहरुले पनि केही गरिदिनुपऱ्यो

काठमाडौं, कार्तिक १६ – एकीकृत नेकपा माओवादीका उपाध्यक्ष नारायणकाजी श्रेष्ठले आइसीसी विश्व क्रिकेट लिग डिभिजन ३ विजेता नेपाली क्रिकेट टोलीलाई आफ्नै निवासमा कार्यक्रमबीच सम्मान गरेका छन् । आइतबार दिउासो श्रेष्ठ निवास हात्तिबनमा आयोजित कार्यक्रममा क्रिकेट टोलीसहित प्रशिक्षक पुबुदु दासानायके, राष्ट्रिय खेलकुद परिषद्का सदस्य सचिव युवराज लामाको उपस्थिति रहेको थियो ।

 सम्मान कार्यक्रममा नेपाली क्रिकेट टोलीका कप्तान पारस खड्काले नेता श्रेष्ठलाई क्रिकेटको अझ विकास गर्नका लागि सहयोग गर्न आग्रह गरेका थिए । हामीहरुले हाम्रोतर्फबाट सक्दो गरिरहेका छौं । क्रिकेटको अझ विकास गर्ने हो भने अब नीति निर्माता तहमा रहनुभएका तपाईंहरुले पनि केही गर्नुपऱ्यो, पारसले आग्रह गरेका थिए । जवाफमा श्रेष्ठले क्रिकेट टोलीले गर्दा देशले गौरव गर्ने अवसर पाएको बताउादै नेपाली क्रिकेट टोली सााच्चैमा राष्ट्रको गौरव रहेको जिकिर गरेका थिए ।

 श्रेष्ठले क्रिकेट टोलीको सरहना गर्दै आफूले आफ्नो तर्फबाट खेलको विकासको लागि सक्दो भूमिका खेल्ने प्रतिबद्धता जनाएका थिए ।