September 21
पोखरा । करारको म्याद नथप्ने निर्णय गरेको विरोधमा प्राध्यापक तथा कर्मचारीहरुले पोखरा विश्वविद्यालयमा तोडफोड गरेका छन् ।
करारमा कार्यरत ९५ जना प्राध्यापक र छजना कर्मचारीलाई परिषद्को बैठकले अवकाश दिने निर्णय गरेपछि आक्रोशित प्राध्यापक र कर्मचारीहरुले विश्वविद्यालयको डिन, उपकुलपति र स्कुल अफ विजनेस कार्यालयका फर्निचर, कार्यालयका सिसा र गमलाहरु तोडफोड गरेका छन् ।
आन्दोलित प्राध्यापक र कर्मचारीहरुले रजिष्ट्रार मानबहादुर केसी, कार्यकारी सदस्यहरु ईन्द्र तिवारी र ज्ञानेश्वर शर्मालाई घेराबन्दीमा पारेर तुरुन्त म्याद थप्न र प्रक्रिया पुर्याएर स्थायी गर्न भनेका छन् । कुनै सूचना नै नदिई दसैँको मुखमा एक्कासी लामो समयसम्म कार्यरत प्राध्यापकहरुलाई हटाएकामा विरोधमा उत्रनुपरेको प्राध्यापक योगराज लामिछानेले बताए ।
आन्दोलित प्राध्यापक र विद्यार्थीहरुले भ्रष्टाचारीलाई कारबाही गर, अख्तियार आउ पोखरा विश्वविद्यालय बचाउजस्ता नारा पनि लगाएका छन् । रासस
No comments:
Post a Comment