आइडियलमा 'फ्रेसर्स डे'

August 31काठमाडौं :

 आइडियल उच्च माविले '१२औं फ्रेसर्स डे' भव्य रूपमा मनाएको छ। हरेक वर्ष कक्षा ११ मा भर्ना भएका विद्यार्थीको स्वागतमा आयोजना हुने कार्यक्रममा विभिन्न मनोरञ्जनात्मक कार्यक्रम प्रस्तुत गरिएको थियो। यस वर्षको फ्रेसर्स डेमा विद्यार्थीले गायन, नृत्य र क्यारिकेचरमार्फत मनोरञ्‍न प्रदान गरेका थिए। कार्यक्रम सुन्धारास्थित ग्यालेक्सी पार्टी प्यालेसमा आयोजना भएको हो। कार्यक्रममा आइडियलमा भर्ना भएका सर्वाधिक अंक ल्याउने तीनजना विद्यार्थीलाई पुरस्कृत गरिएको थियो। पुरस्कृतमध्येकी सामना लामाले सम्मानका कारण आफूलाई थप अंक ल्याउन हौसला मिलेको बताइन्। आइडियल उच्च माविका निर्देशक पूर्ण लामाले यस्ता कार्यक्रमलाई निरन्तरता दिइने बताए। यसैगरी विद्यालयका कोअर्डिनेटर श्यामबाबु पोखरेलले मनोरञ्जनात्मक कार्यक्रमले विद्यार्थीको पठनपाठनमा पनि सहयोग पुर्‍याउने दाबी गरे।