हिमाल सागरलाई मनपर्‍यो बेनिशाको जवानी गीतमा ग्ल्यामरस हुनैपर्छ

August 30

काठमाडौं । पछिल्लो समय ‘फूली’ एल्बम लिएर आएका छन् हिमाल सागार । गाउने र बजाउने दुबै कार्यमा सक्रिय हिमाल सागर अहिले अभिनयमा पनि पोख्त छन् । तीन ढिके फुली …बोलको गीतमा बेनिशा हमालसँगै कम्मर मर्काएका छन् उनले । गीतको भाव अनुरुप बेनिशाले राम्रो काम गरेको बताउने हिमाल सागर उनको अभिनयवाट प्रभावित छन् । निर्देशक भुषण दाहालसँग सल्लाह गरेरै बेनिषालाई मोडलिङ गराएको उनले बताए । भिडियो निर्माणको क्रममा प्राय सट ‘वान टेक ओके’ भएको देखेका हिमाल भन्छन ‘बेनीशाकै कारण काम गर्न सजिलो भयो । निर्माणमा मात्रै हैन भिडियो हिट हुनमा पनि उनको जवानीले सहयोग गरेको होला नि भन्ने प्रश्नमा हिमाल भन्छन ‘मोडलको जवानीले मात्रै कुनै पनि गीत हिट हुँदैन । एउटा गीत राम्रो हुन गीत, संगीत र मोडल पनि राम्रो हुनुपर्छ । दश वर्ष अगाडि संगीत क्षेत्रमा प्रवेश गरेका हिमाल सागरले विभिन्न एल्बम र चलचित्र गरेर एक सय पचास भन्दा बढी गीतमा स्वर दिएका छन् । कुनै बेला यस्तो पनि थियो । पचास हजार एल्बम बिक्री हुँदा पनि खासै सन्तुष्ट हुन्न थे उनी । तर, अहिले तीन हजार सिडी बिक्री हुँदा खुसी हुनुपर्ने अवस्था छ । गीत चल्यो भने स्वदेश र विदेशका स्टेजमा काम पाईन्छ भनेर पनि भिडियो तयार पार्नुपर्ने वाध्यता रहेको सुनाउँछन् हिमाल सागर । कतिले सीआरबीटि र पिआरबीटिको कुरा गरेपनि कमाई चित्त बुुझ्दो नभएको बताउँछन् उनी ‘एउटा गीत डाउनलोड गर्दा एउटा स्रोताको १२ रुपैया ४५ पैसा काटिन्छ तर, गायक, संगीतकार र गीतकारको भागमा एक रुपैया पचास पैसा मात्रै आउँछ ।’ उनले भने । 

गीतमा ग्ल्यामरस हुनैपर्छ 

पछिल्लो समय निर्माण भएका भिडियोहरु ग्ल्यामरस छ भन्ने लाग्छ हिमाल सागरलाई । भिडियोमा मोडलको लुगा छोटिदै जानुलाई समयमको आवश्यकता हो भन्छन उनी । बिदेशी च्यानलको प्रभावले हाम्रा भिडियो निर्देशक र मोडलहरु हट भिडियोप्रति आकर्शित भए जस्तो लागेको छ उनलाई । हट एवं ग्ल्यामरस भिडियोलाई नकारात्मक आँखाले मात्रै हेर्न नहुने उनको बुझाई छ । भिडियो हेर्नलाई यहाँ क्लिक गर्नुस