आइतबारका पत्रपत्रीको मुख्य खबर

September 14
राजधानीबाट आइतबार प्रकाशित सबैजसो दैनिक पत्रिकाले राजनीतिक सभाको कार्यविधि टुंगो लागेको, संविधान मस्यौदा समिति अप्ठेरोमा परेको खबरलाई प्राथमिकताका साथ छापेका छन् ।

नयाँ पत्रिकाले मेलम्चीको पानी ०७३ वैशाख १ भित्र आउने, देश टुक्रयाउने माग राख्ने सीके राउत पक्राउ परेको, महाधिवेशन स्थगित भएपछि नेविसंघका प्रतिनिधि निराश भएर फर्किएको खबरलाई प्राथमिकताका साथ छापेको छ ।

 नागरिक दैनिकले मनपरी ट्याक खन्दा पहिरो गएको, डोजरले पहाड खोस्रिएका पहाड जोखिममा रहेको, एसएमएस मार्फत विषादीको चेतना दिइने खबरलाई प्राथमिकताका साथ छापेको छ ।  


अन्नपूर्ण पोस्टले मलेसिया पठाएको कन्टेनर धादिङ नपुग्दै खाली भएको, बुधबारदेखि दसैंका नयाँ नोट आउने खबरलाई प्राथमिकताका साथ छापेको छ ।

 राजधानी दैनिकले सर्वदलीय राजनीतिक सम्मेलनमा ६५ दल रहेको, मन्त्री फेरबदलप्रति माधव नेपाल पक्ष आक्रामक भएको, फेरि १४ प्रतिशत विद्युत महसुल बढाउने तयारी रहेको खबरलाई प्राथमिकताका साथ छापेको छ ।