September 21
राप्रपा नेपालले हृदयघात भएर अस्पताल भर्ना भएका पूर्वराजा ज्ञानेन्द्र शाहको स्वास्थ्य लाभको कामना गरेको छ।
शनिबार राति नर्भिक अस्पतालमा भर्ना भएका पूर्वराजको स्वास्थ्य लाभका लागि राप्रपा नेपालका केन्द्रीसदस्य, सभासद, तथा वरिष्ठ नेताहरूलाई नर्भिक गएर स्वास्थ्य लाभको कामना गर्न पार्टीको केन्द्रीय तहबाट उर्दी भएको राप्रपा नेपालका प्रचार विभाग सदस्य बासु दाहालले बताए।
अहिले शाहको अवस्था स्थिर र सन्तोषजनक रहेको अस्पताल स्रोतले जनाएको छ। शनिबार राति नै अस्पताल ल्याइएका शाहको उपचारका क्रममा कोरोनरी रक्तनलीलाई एन्जियोप्लाष्टी तथा स्टेनिङको माध्यमबाट सफलतापूर्वक खोलिएको थियो।
शाहको उपचारमा डा. यादवदेव भट्ट र डा. भारत रावतको टोली खटिएको छ। पूर्वरानी कोमलसहित अन्य आफन्तहरु अस्पतालमा उपस्थित भएका छन्।
एन्जियोप्लाष्टी गरेपछि शाहलाई अप्रेसन थियटरबाट अस्पतालको कोरोनरी केयर युनिट (सिसियु) मा राति ११ बजेतिर सारेको अस्पतालले जनाएको छ।
६७ वर्षीय शाहलाई शनिबार राति १० बजेतिर माइल्ड हर्ट एट्याक भएको थियो ।
No comments:
Post a Comment