विश्वविद्यालयका विद्यार्थि अनुसन्धानमूखी बन्नुपर्छ

September 5 भैरहवा।
 विश्वविद्यालयका विद्यार्थिहरु अनुसन्धानमूखी बन्नुपर्नेमा एक कार्यक्रमका सहभागीले जोड दिएका छन् ।

त्रिभुवन विश्वविद्यालय भैरहवा बहुमुखी क्याम्पस भैरहवा समाजशास्त्रीय मानवशास्त्रीय विद्यार्थि समाज (सास) को चौथो अधिवेसनलाई सम्बोधनगर्ने क्रममा बक्ताहरुले सो कुरा व्यक्त गरेका हुन् ।

 

अधिवेसन तथा भेलाका प्रमुख अतिथी भैरहवा बहुमुखी क्याम्पसका क्याम्पस प्रमुख डा. घनश्याम न्यौपानेले विश्वविद्यालयका विद्यार्थि पाठ्यवस्तुमा मात्रै केन्द्रित नभइ अनुसन्धानमूखी हुनुपर्नेमा जोड दिए । उनले भने अबका विद्यार्थिहरु स्नाकोत्तर तह पास गरेपछि अनुसन्धानबाट खारिएको हुनुपर्दछ । सासद्धारा सन्चालित कार्यक्रम प्रशंसनिय भएको उल्लेख गर्दै प्रमुख अतिथी डा. न्यौपानेले अनुसन्धानकोलागी क्याम्पस प्रसासनले सबै सहयोग गर्न तयार भएको समेत बताए ।

कार्यक्रममा विशिष्ट अतिथी समाजशास्त्रको लेक्चरर विमला पोखरेलले शिक्षा प्रमाणपत्रकोलागी मात्रै नभएर परिपक्व ज्ञानकोलागी पनि हुनुपर्ने बताउदैं सासले अनुसन्धानको क्रियाकलापलाई तिब्रता दिनुपर्नेमा जोड दिइन् ।

 

सास भैरहवा बहुमुखी क्याम्पसका संस्थापक सचिव नरेश केसीले समाजशास्त्र मानवशास्त्र विषय अनुसन्धानमुखी भएको हुदा संस्थागत रुपमा अनुसन्धान गर्नकोलागी समाजशास्त्रीय मानवशास्त्रीय विद्यार्थि समाज भैरहवा बहुमुखी क्याम्पसमा गठन गरिएको बताए । सासको अध्यक्ष देवी सापकोटाको अध्यक्षतामा सम्पन्न भेलाले प्रख्यात बन्जाडेको नेतृत्वमा नया नेतृत्व समेत चयन गरेको छ ।

 

जसको उपाध्यक्षमा ज्ञानुमाया पोखरेल, सचिवमा पुर्ण कवंर, कोषाध्यक्षमा सन्धया पुन र सदस्यहरुमा संगिता पौडेल, निशा शर्मा, शारदा खनाल र शाविर खान रहेका छन् भने बाकिं ५ जना सदस्य पछि थपिने जानकारी नवनिर्वाचि अध्यक्ष बन्जाडेले जनाए । समाजका नवनिर्वाचित पदाधिकारी तथा सदस्यलाई निवर्तमान अध्यक्ष देवि सापकोटाले पद हस्तान्तरण गरेकी थिइन् । यसैबीच नवनिर्वाचित पदाधिकारीले क्याम्पसमा अनुसन्धानमूलक विविध कार्यक्रम गर्ने प्रतिवद्धता जाहेर गरेका छन् ।

 

सास भैरहवा बहुमुखी क्याम्पसद्धारा नेपालमै पहिलोपटक कैलालीका  राजी जातिको अनुसन्धानगगरी राजी जाति ः एक अध्ययन ,बर्दियाका  चिडीमार जातिको अध्ययन गरि चिडीमार जाति एक अध्ययन जस्ता कृति तथा जर्नल प्रकासित गरिसकेको छ । समाजशास्त्र मानवशास्त्र विषय अध्ययन गर्ने विद्यार्थिहरुलाई अनुसन्धानमुखी बनाउने उद्धेश्यले केन्द्रिय क्याम्पस कृर्तिपुरमा जस्तै भैरहवा बहुमुखी क्याम्पसमा पनि समाज गठन भई सन्चालित भएको हो ।