September 2
काठमाडौं । बैदेशिक रोजगारीका लागि साउदी अरब पुगेका मोरङ पथ्री शनिस्चरेका ४५ वर्षीय मेघनाथ पयाँगुको साउदी अरबको ताबुकमा मृत्यु भएको छ ।
बिगत ६ वर्षदेखि अल मजाज अल अरबी कम्पनी मार्फत डुल्बा ट्रेडिङ एण्ड कन्ट्राक्टिङ कम्पनीमा कार्यरत पयाँगुको शनिवा मृत्यु भएको हो ।
उनीसँगै काम गर्ने साथीहरुको अनुसार उनी शुक्रवार विहानैदेखि छाती दुख्यो भनेर बिरामी परेका थिए । शनिवार कम्पनीले स्थानीय पोलिक्लिनिकमा उपचार गराउन लैजान मृत्यु भएको साउदीबाट सन्चारकर्मी राममणी अधिकारीले जानकारी दिएका छन् ।
मृतक पयाँगुका दुई छोरी र एक छोरा रहेको बताइएको छ । हालको उनको शव किङ्ग फहाद अस्पतालमा राखिएको छ ।
शव नेपाल फर्काउन गैरआवासीय नेपाली संघ कक्षेत्रीय समन्वय परिषद ताबुक साउदी अरबले दूतावासलाई जानकारी गराइसकेको उनले बताए ।
साउदीमा यसरी अज्ञात प्रकारका रोग लागेर नेपाली कामदारको मृत्यु हुने क्रम बढेको छ ।
No comments:
Post a Comment