चीनमा मात्र बिद्यमान एमएसएन म्यासेनजर अब सदाका लागि बन्द हुँदै

September 6
पन्ध्र वर्ष अगाडी माईक्रोसफ्टद्वारा निर्मित एमएसएन म्यासेनजर अन्तत: अब बन्द हुँदैछ | यस म्यासेनजरद्वारा पन्ध्र वर्ष अगाडी विश्व संचारमा एक नयाँ क्रान्ति ल्याएको थियो | सन् १९९९ मा एओएल एम सेवाको प्रतिद्वन्द्वी स्वरूप माईक्रोसफ्टले सार्वजनिक गरेको एमएसएन म्यासेनजरबाट सुरुमा अक्षरमा मात्र कुरा गर्न मिल्थ्यो |

MSN-Messenger
जब सन् २००१ मा माईक्रोसफ्टले वुइन्डो एक्सपी सार्बजनिक गर्यो तब देखी एमएसएन म्यासेनजरबाट आवाजको माध्यमले कुराकानी गर्नसकिने साथसाथै पहिलो पटक आफ्नो सम्पर्क गर्ने व्यक्तिहरुको समूह बनाउन सम्भव भएको थियो ।

त्यसैगरी सन् २००३ देखि एमएसएनमा आफ्नो इच्छा अनुसार अवतार, ईमोटिकन र थीम रंगहरू फेर्न मिल्ने भएको थियो | सन् २००९ सम्म यस म्यासेनजरमा करिब तिन करोड तीसलाख जना प्रयोगकर्ता थिए | तर माईक्रोसफ्टले स्काइपलाई सार्वजनिक गरेलगतै एमएसएनको लोकप्रियता घटेको थियो |

त्यसकारण माईक्रोसफ्टले सन् २०१२ मै एमएसएनलाई स्काइपसँग गाब्ने घोषणागरेको थियो | त्यस लगत्तै माईक्रोसफ्टले आफ्नो प्राय जसो प्रयोगकर्ताको लागि सन् २०१३ देखि यो सेवा बन्द गरि स्काइपमा सारेको थियो | हालसम्म यो सेवा चीनमा बिध्यमान रहेतापनि अब चीनमा पनि यो सेवा स्काइपमा सारेर सन् २०१४ अक्टोबर ३१ देखि विश्वबाट एमएसएन म्यासेनजर पूर्ण रुपमा बन्द हुने भएको छ |