September 6
राष्ट्रिय अभिलेखालयमा सङ्ग्रह गरिएका पुरातात्विक एवम् ऐतिहासिक सामग्रीलाई डिजिटल प्रविधिमा लैजाने कार्य परीक्षणका रुपमा सुरु गरिएको छ । यसअघि माइक्रोफिल्म गरेर राखिएका सामग्री पढ्न गाह्रो भएकाले अध्ययन एवम् अन्य कार्यका लागि पनि सजिलो होस् भन्ने उद्देश्यले डिजिटल प्रविधिमा लैजान लागिएको राष्ट्रिय अभिलेखालयका प्रवक्ता कुमार श्रेष्ठले जानकारी दिनुभयो ।
अभिलेखालयमा ५० हजार पुरातात्विक एवम् ऐतिहासिक सामग्री भावी पुस्तालाई हस्तान्तरण गर्ने उद्देश्यले अभिलेखीकरण गरी राखिएको छ । यसमध्ये ३० हजार हस्तलिखित सामग्री रहेका छन् । हस्तलिखित सामग्रीहरु नेपाली कागज, भोजपत्र र ताडपत्रमा लेखिएका छन् ।
माइक्रोफिल्म गरेर राखिएका सामग्रीलाई डिजिटल प्रविधिमा लैजान डिजिटल कन्भर्टर मेसिन ल्याइएका पनि प्रवक्ता श्रेष्ठले बताउनुभयो । रु ४० लाखमा अत्याधुनिक अमेरिकी कम्पनीको मेसिन ल्याइएको हो । मेसिनबाट अहिले परीक्षणका रुपमा माइक्रोफिल्म गरी राखिएका सामग्रीलाई डिजिटल प्रविधिमा लैजाने काम भइरहेको पनि प्रवक्ता श्रेष्ठले बताउनुभयो ।
समय सापेक्षरुपमा छिटो र छरितो तरिकाले थोरै समय र ठाउँमा धेरै सामग्री रुपान्तरण गर्न सकिने भएकाले यो प्रविधि अभिलेखालयका लागि उपयोगी हुने कार्यालय प्रमुख प्रकाश दर्नालले बताउनुभयो । माइक्रोफिल्म प्रविधि बिग्रँदै गएकाले र महँगो पनि भएकाले पनि डिजिटल प्रविधिमा जानुपरेको कार्यालय प्रमुख दर्नाल बताउनुहुन्छ । विसं २०२४ असोज १७ गते हस्तलिखित सामग्री सङ्कलन गरी आधुनिक प्रविधिबाट संरक्षण गर्दै लैजाने उद्देश्यका साथ राष्ट्रिय अभिलेखालयको स्थापना भएको थियो ।
राष्ट्रिय अभिलेखालयमा सङ्ग्रह गरिएका पुरातात्विक एवम् ऐतिहासिक सामग्रीलाई डिजिटल प्रविधिमा लैजाने कार्य परीक्षणका रुपमा सुरु गरिएको छ । यसअघि माइक्रोफिल्म गरेर राखिएका सामग्री पढ्न गाह्रो भएकाले अध्ययन एवम् अन्य कार्यका लागि पनि सजिलो होस् भन्ने उद्देश्यले डिजिटल प्रविधिमा लैजान लागिएको राष्ट्रिय अभिलेखालयका प्रवक्ता कुमार श्रेष्ठले जानकारी दिनुभयो ।
अभिलेखालयमा ५० हजार पुरातात्विक एवम् ऐतिहासिक सामग्री भावी पुस्तालाई हस्तान्तरण गर्ने उद्देश्यले अभिलेखीकरण गरी राखिएको छ । यसमध्ये ३० हजार हस्तलिखित सामग्री रहेका छन् । हस्तलिखित सामग्रीहरु नेपाली कागज, भोजपत्र र ताडपत्रमा लेखिएका छन् ।
माइक्रोफिल्म गरेर राखिएका सामग्रीलाई डिजिटल प्रविधिमा लैजान डिजिटल कन्भर्टर मेसिन ल्याइएका पनि प्रवक्ता श्रेष्ठले बताउनुभयो । रु ४० लाखमा अत्याधुनिक अमेरिकी कम्पनीको मेसिन ल्याइएको हो । मेसिनबाट अहिले परीक्षणका रुपमा माइक्रोफिल्म गरी राखिएका सामग्रीलाई डिजिटल प्रविधिमा लैजाने काम भइरहेको पनि प्रवक्ता श्रेष्ठले बताउनुभयो ।
समय सापेक्षरुपमा छिटो र छरितो तरिकाले थोरै समय र ठाउँमा धेरै सामग्री रुपान्तरण गर्न सकिने भएकाले यो प्रविधि अभिलेखालयका लागि उपयोगी हुने कार्यालय प्रमुख प्रकाश दर्नालले बताउनुभयो । माइक्रोफिल्म प्रविधि बिग्रँदै गएकाले र महँगो पनि भएकाले पनि डिजिटल प्रविधिमा जानुपरेको कार्यालय प्रमुख दर्नाल बताउनुहुन्छ । विसं २०२४ असोज १७ गते हस्तलिखित सामग्री सङ्कलन गरी आधुनिक प्रविधिबाट संरक्षण गर्दै लैजाने उद्देश्यका साथ राष्ट्रिय अभिलेखालयको स्थापना भएको थियो ।
No comments:
Post a Comment